Дури 26 отсто од купувачите на Ferrari во Кина се жени

Суперспортските автомобили отсекогаш биле „машка работа“, но веќе не е така

Ferrari се пофали со интересен успех. Покрај сите бројки кои го красат неговото работење, една се издвојува – во последниве пет години дури 26 отсто од купувачите во Кина, вклучително Хонг Конг и Тајван, се жени. Иако овој процент далеку ги надминува другите земји, тенденцијата укажува на фактот дека општеството се менува. Според Ferrari се зголемува и бројот на жени кои учествуваат на нивните настани како што се обуките за возење тркачки автомобили, без притоа да се прецизира бројот. Се разбира, ентузијазмот што преовладува кај жените да купат Ferrari не е истиот како кај мажите. Тоа тешко ќе се смени.

Според податоците на марката, околу 12 отсто од  глобалната продажба отпаѓа на Кина, Хонг Конг и Тајван, односно околу 1.600 автомобили.