Презентирана целата товарна и патничка гама на Opel

Kомпанијата Еуроимпекс, генералениот увозник за Opel, во соработка со опеловата дилерската мрежа, компаниите „Ауто Цем“ од Тетово и „Аутомакедонија“ од Скопје, ја претставија целата товарна и патничка гама од брендот Opel каде ѕвезда беше новиот Opel Movano. Него го придружуваа товарните возила Corsa Van, Combo и Vivaro. По процесот на детоксификација, Opel има нов лик истакнувајќи се со Opel Vizor на предниот дел и Pure Panel во внатрешноста. Но и покрај тоа, Оpel не ја менува својата ДНК: тој е германски, модерен, доверлив бренд, технолошки напреден и со чист и прецизен дизајн. На настанот изложени беа комерцијалните и патничките модели, од најмалата Opel Corsa, триото кросовери Crossland, Mokka, Grandland и лимузината од “D” сегментот Opel Insignia. Моделите на Opel беа претставени пред бројни соработници и потенцијални соработници, помали и поголеми компании, од компании кои имаат потреба од едно до компании кои имаат потреба од флота на возила и тн… а сѐ со цел компаниите да можат да се запознаат со возилата одблиску, во пријатна атмосфера да им бидат презентирани можностите и перформансите кои моделите на Opel ги нудат за нивно поедноставно секојдневно работење и помагање на нивните бизниси.  „Opel нуди бројни решенија за мобилност. За секој тип на бизнис или големина на флота. Нашата гама на возила вклучува сè, од комерцијални и патнички возила, со мотор на внатрешно согорување, plug-in хибридни или целосно електрични верзии… Па се до наменски возила, модифицирани за потребите на бизнисите. Возила со ладилник, возила за лица со попреченост, амбулантни возила, против-пожарни возила и тн. – изјави Зоран Серафимовски, Извршен директор во Еуроимпекс и дополни: „Во рамките на нашата дилерска мрежа имаме високо-професионални продажно-сервисни центри кои во врска со возилата, даваат услуга што е потребна на компаниите за непречено и ефикасно водење на бизнисот. Во истите, работи професионален кадар со богато искуство кој е специјалнизирано обучен, секој во своето поле. На кратко кажано, со германска прецизност, нудиме идеален автомобилски партнер за Вашиот бизнис.“ На тоа се надоврза Драган Јовев, продукт менаџер за Опел, „Новото Мовано е совршена германска алатка за секоја работа! Овој модел е моќен, безбеден и со незаменлива удобност за возачот. Тој е достапен во повеќе верзии на каросерија: фургон, комерцијално возило со два реда седишта, шасија со единечна или двојна кабина како и сандучар, кипер и конверзии на каросеријата . Товарниот простор е меѓу најдобрите во класата, со капацитет до 17m2 и во него може да се превезе максимум 4 еуропалети. Носивоста е до 2,1t. А, внесувањето на товар во новиот Оpel Movano оди со леснотија, благодарејќи на широкиот отвор на вратите и нискиот праг за товарање. Погонуван од 2,2 турбо-дизел мотори со силина од 120 до 165 коњски сили, бележи одличен низок резултат кога станува збор за потрошувачката на гориво и емисија на CO₂ во сегментот. Целосната електрификација на опеловата товарна гама на возила ја комплетира електрифицираната верзија на Opel Movano погонувано од 37kWh или 70kWh батерија, со корисна носивост до 1,3t, досег до 224km по WLTP и секако 0 емисија на CO₂“. Повеќе информации за моделите и услугите можат да се добијат во салоните на Opel, на веб страната opel.mk и на дилерските страници.