- Класичен бомбардер
Дали е ова автомобил последен од ваков вид?
Ова прашање стана мантра секогаш кога се претставува автомобил кој се фокусира на уживањето во возењето, кој нуди вистинска интеракција со возачот и кој има класичен погон. Прекрасен пример за овој опис е BMW M2, кој ја крунисува серијата 2 и има сè што традиционално му припаѓа на вистински BMW, а тоа е погон на задните тркала, шест цилиндри во линија и класичен мануелен менувач.
Со новиот модел, М2 влегува во втората генерација на модели, но всушност линијата на традицијата започнува со 1 Серија М Купе – проектот „Пират“, со кој BMW го подигна купето на ниво на спортски автомобил во 2011 година користејќи „машина“ со високи перформанси. Во тоа време моторот сè уште имаше 340 КС, но во 2015 година моќноста се зголеми на 370 КС со М2. Во 2018 година дојде нов мотор со 410 КС, а ограничениот M2 CS имаше 450 КС.
За оваа прилика моторот што носи интерна ознака S58 доби уште сила и сега новиот M2 може да се пофали со дури 460 коњи кои се постигнуваат на 6.250 вртежи во минута. Максималниот вртежен момент е 550 њутн метри, кои се испорачуваат во распон од 2.650 до 5.870 вртежи во минута. 
Моќта се пренесува (за разлика од M3 и M4, кои се достапни и со погон на сите тркала) исклучиво на задните тркала, преку остар шестстепен мануелен менувач или со осум степен автоматик. Линискиот шестцилиндарец дава акустичната емоција што може да се очекува од возило со високи перформанси од M GmbH.
Ова го прави M2 единствената серија 2 со погон на задните тркала што сè уште има рачен менувач. Во минатото, послабите моторизирани купеа со 2 седишта беа достапни и со стандардниот менувач. Така, претходниот менувач е облагороден како пуританска варијанта за познавачите кои го ценат директниот пристап до возилото.
Перформансите се импресивни! M2 спринта од 0 до 100 км/ч за 4,3 секунди, а со автоматскиот менувач е дури 0,2 секунди побрз. Брзинометарот застанува на 250 км/ч, а опционално може да се скокне на 285 км/ч. Со автоматскиот менувач, M2, исто така, постигнува малку подобри вредности на потрошувачка, само 9,6 литри на 100 километри во циклусот WLTP. Во споредба со неговиот претходник, новиот М2 е малку поголем: долг е 458, широк 189 и висок 140 сантиметри, но сè уште не е најпогоден за градско возило.
Подолгото меѓуоскино растојание обезбедува поголема стабилност при агресивни маневри на возење и при големи брзини. Подвозјето е развиено за изразено спортско возење, но треба да понуди поголема удобност од претходниот модел. М2 има пневматици 275/35 ZR 19 напред и 285/30 ZR 20 на задната оска, а блокадата на диференцијалот на задната оска може да обезбеди ефект на блокирање до 100 проценти. Оските во голема мерка одговараат на М3, а возилото е значително поцврсто од другите купеа со две седишта. Композитен систем за сопирање и активна контрола на амортизерите се исто така дел од стандардната опрема.
Патем, големини на тркалата се над влезното ниво во M3 и M4 па ова само го нагласува поостриот карактер на М2 што го истакнува дрифт-програмата која може да се постави во десет фази како кај сестринските модели. Внатрешноста има придобивки од спортските седишта, кои се стандардно покриени со фина алкантара.
Закривениот екран се протега пред возачот и ги заменува традиционалните тркалезни инструменти. За жал, централно поставеното копче, со кое понекогаш досадните системи за помош можеа брзо да се исклучат, е испуштено. Функциите сега се скриени во подменијата, очигледно во очекување на претстојните регулативи на ЕУ дизајнирани да го отежнат исклучувањето на системите за надзор.
Однадвор, М2 треба да им се допадне и на традиционалистите. Двојниот бубрег е многу помал отколку кај М3 и М4, а дијагоналните елементи на обичниот 2 го отстапуваат местото на големите правоаголни доводи за воздух. Патем, со 72.800 евра (цена за Германија) М2 е точно 13.000 евра поевтин од М3 и со тоа е многу атрактивна понуда за ентузијастите, особено што веројатно ќе биде „последна од ваков вид“. Или не?
