Во првото полугодие собрани 17.000 нарачки

Најголем придонес за огромното зголемување на побарувачката има електричниот модел Eletre

Lotus е познат по многу што, но не и по бројот на продадени возила. Барем досега – британскиот производител основан пред 75 години, сега во сопственост на кинескиот автомобилски конгломерат Geely, лани продаде мизерни 576 возила. Годината пред тоа испорача 1.710, а во 2020-тата 1.378 автомобили, но за првите 6 месеци оваа година се произведени повеќе од 2.200 примероци од Emira. Книгата за нарачки за него е пополнета за наредните две години, а за електричниот модел Eletre пак, кој се произведува во Кина, собрани се енормни повеќе од 17.000 нарачки. Неговата испорака на Далечниот Исток започна во март, а во Европа ќе стартува во наредните месеци. Цените започнуваат од 89.500 фунти.

Во моментов Lotus располага со глобална продажна мрежа од 193 дилерства.