Лукоил се проширува

Македонија

Лукоил се проширува

Отворена нова бензинска станица на Лукоил во населбата Ченто

Објавено на 11 јули 2019 година

Во присуство на голем број гости меѓу кои и претставници на владата предводени од премиерот и министерот за сообраќај и врски, градоначалниците на општините Гази Баба и Арачиново, амбасадорот на Руската Федерација и блиски соработници и пријатели, Лукоил ја отвори својата 31-ва бензинска станица во Македонија. Лоцирана е во населбата Ченто, на излезот од Скопје на патот кон Арачиново и изградена по новиот корпоративен стил на компанијата. Овој повеќенаменски комплекс со површина од 2.000 m² е опремен со маркет снабден со широк асортиман на производи, паркинг за лесни и тешки моторни возила, wi-fi и други поволности и во него се вработени 12 лица. По тој повод регионален управител на Лукоил Македонија Андреј М. Куку изјави дека новата Лукоил бензинска станица е дел од стратегијата на компанија за проширување на македонскиот пазар со цел секојдневно подобрување на квалитетот на услугите. Свое обраќање на настанот имаа и премиерот и амбасадорот на Руската Федерација, кои пред медиумите истакнаа дека оваа инвестиција на Лукоил е исклучително значајна за економијата на земјата.

Лукоил е глобална нафтена компанија, втора по големина во Русија, низ чиј синџир составен од преку 5.000 продажни места во повеќе од 100 држави на 4 континенти меѓу кои и САД, протекува 2% од светската продажба на нафта. Во Македонија поседува бензински станици во Скопје, Тетово, Битола, Куманово, Охрид, Струмица, Гевгелија, Кичево, Прилеп, Велес, Штип, Кочани, Радовиш и на Стража. На македонскиот пазар учествува со околу 10 отсто од прометот со нафтени деривати.