Возбудливо и несекојдневно искуство со Jaguar Land Rover

Посетителите на отворениот ден за премиум тест возење во ексклузивниот Jaguar Land Rover центар на Аутомобили Груп имаа можност да се запознаат со новите Land Rover Discovery Sport и Jaguar XE

Објавено на 1 ноември 2019 година

Веднаш препознатлив по гените од Discovery со складни пропорции, новиот Land Rover Discovery Sport комбинира уникатен карактер и паметен став. Беспрекорен и способен во секоја смисла, каков што само Land Rover може да биде, плени со набојот на иновативната технологија за поврзување, информирање и забава. Логично, околу Discovery Sport се вртеа погледите на оние кои препознаа дека со флексибилноста на внатрешноста и интелигентно решениот простор, ќе може да одговори на сите барања на едно модерно семејство. Новиот Jaguar XE пак, ги восхити посетителите како надреално уметничко дело. Претставен со нова серија на уникатни бои кои ги поматуваат линиите помеѓу уметноста и реалноста. Оние кои беа привлечени од овој спортски седан, зад воланот ја почувствуваа новата луксузна внатрешност која носи повеќе комфор, квалитет и самодоверба во секоја смисла. Тест возачите сведочеа за подобрената динамична управливост на XE, а за возбудливо возење и несекојдневно искуство придонесоа и напредните технологии кои ги поседува XE, надградбите на потпирањето и изменетиот Jaguar Drive Control.

Покрај новите Land Rover Discovery Sport и Jaguar XE, вљубениците во британските премиум возила можеа да ги откријат ненадминливите способности на Range Rover Sport, Range Rover Velar, новиот Range Rover Evoque, големиот Land Rover Discovery, како и заводливите перформанси на Jaguar F-Pace и Е-Pace.