Bultaco Albero

Шпанска мушичка

Објавено на 14 август 2018 година

Некогашниот шпански производител на мотоцикли Bultaco се враќа на сцената со интересни производи. Замислени се како еден вид хибриди меѓу мотоцикл и велосипед на кои им е додаден електричен погон. Моделот Albero е наменет за урбана употреба. Има електромотор со 3 коњски сили со кој постигнува лимитирани 45 километри на час. Батеријата сместена на алуминиумската рамка се полни три часа и му овозможува спортски поминати 60 километри. Опремен е со хидраулични диск сопирачки и друга квалитетна опрема, меѓу која темпомат и 9-степен менувач. Возењето на педали сепак е напорно заради тежината од 40 килограми.

Повеќе возбуда ветува теренскиот модел Brinco, за кој интерес веќе покажаа шпанските вооружени сили. Истата електрична механика му дава подобри перформанси и постигнува брзина од 60 километри на час. Возењето со него по нерамен или каллив терен е чиста забава, скоро како мотокрос мотоцикл само без брмчењето. Ракувањето е лесно, посебно при поголеми брзини а подвижноста ја обезбедува подесливото ослонување. Цената и на двата модела е околу 5.500 евра.


Bultaco Brinco

клучни зборови: занимливости, Bultaco

Гледај, слушај, уживај

  • Авто Магазин

    Сезона 22 Епизода 40

    повеќе

Видео на денот

  • Porsche Macan

    Испеглани брчки и нови технологии

    повеќе

Цени на горивата

еуросупер 95 72,50
еуросупер 98 74,00
еуродизел Д5 66,00
биодизел Б6 66,50
течен нафтен гас 34,00
метан 38,00

Фото галерии