Mercedes-Benz А

Се криеше, но не се воздржа да се скрие

Со спектакуларно откривање и несекојдневна презентација, Мак Аутостар како генерален застапник на Mercedes-Benz за Македонија ни ја претстави новата A-класа
Објавено на 15 мај 2018 година

Викторија Лоба ни покажа дека новата А-класа на Mercedes не може да се скрие - ѝ прозбори, а таа ѝ одговори… Во тоа можеа да се уверат сите што случајно или намерно се најдоа во Сити мол, каде мистериозната кутија го криеше новитетот од Штутгарт. Револуција во автомобилската индустрија, повторно - тоа би било краткото претставување на првиот Mercedes способен да зборува со возачот и да ги учи неговите желби и навики. Ова е овозможено благодарение на новиот систем Mercedes-Benz User Experience (MBUX), со кој Mercedes најавува нова ера на дигиталната комуникација. Првиот разговор со новата А-класа го направи секогаш шармантната Викторија Лоба, која воедно и детално го претстави новиот автомобил, за кој истакна дека е најаеродинамичниот во својата класа и со најмногу вградени системи за безбедност во светот.


Mercedes-Benz А Што се однесува до технолошката напредност, луксузот и удобноста, таа ја презентираше внатрешноста на автомобилот кој веќе нема класична инструмент табла, туку два дигитални екрани со големина од 10 инчи и може да се ракуваат со допир, потоа внатрешност што може да се обои во 64 различни бои, а за оние што сакаат вистинско уживање може да нарачаат масажери, вградени во седиштата. Лоба зборувајќи со Mercedes A-класата, преку едноставни изговорени реченици, успеа да ја прилагоди температурата во возилото, да избере омилена радио станица, да направи телефонски повик или да го отвори сончевиот покрив.

Инаку, новата А-класа е претставена на јавноста откако претходно беше скриена во мистериозната црна кутија со тајмер, а која предизвика огромно внимание во јавноста и на социјалните мрежи. „Доаѓањето на нешто сосема ново, како што е Mercedes А-класата, автомобил што зборува со возачот значи поинаков начин на размислување, а тоа е симболиката на ова претставување, да се размислува Out of the box“, изјави директорот за маркетинг на Мак Аутостар, Владица Кокаловиќ.


Mercedes-Benz А

клучни зборови: новитети, Македонија, Mercedes

Гледај, слушај, уживај

  • Авто Магазин

    Сезона 22 Епизода 34

    повеќе

Видео на денот

  • Aurus 41231SB Кортеж

    Претседателската лимузина на Путин

    повеќе

Цени на горивата

еуросупер 95 71,50
еуросупер 98 73,50
еуродизел Д5 63,00
биодизел Б6 63,50
течен нафтен гас 31,50
метан 33,00

Фото галерии