Крунисан автомобилот на годината во Македонија

Објавено на 10 мај 2018 година

Променливите временски услови не ги спречија бројните љубители на автомобилизмот и пријатели на марката да дојдат и да го поздрават годинешниот носител на титулата „Автомобил на годината во Македонија“. Со три гласа од националното жири, Dacia Duster неа ја освои во остра конкуренција на уште девет финалисти - Suzuki Swift, Seat Ibiza, BMW X3, Ford Fiesta, Opel Insignia, Kia Stinger, Nissan Micra, Citroen C3 Aircross и Kia Stonic. Еден глас доби Fiesta, а Insignia беше изборот на импортерите чиј глас се броеше како петти. Согласно правилникот за работа и критериумите на изборот, автомобилот на годината во Македонија се бира меѓу новите модели пристигнати на нашиот пазар помеѓу два избора. 
Во чест на доајенот на македонското автомобилско новинарство, основачот и прв негов претседател, жирито реши од оваа година да воведе и признание „Томислав Биљарац“. Честа прв да ја добие оваа награда која ќе се доделува за посебни придонеси и резултати во автомобилската индустрија ја имаше Владо Воиновски од Еуроимпекс. Најуспешни марки во досегашните 23 избори се Opel, Škoda, Seat и Kia со по три освоени титули.

клучни зборови: Македонија, Dacia Duster

Гледај, слушај, уживај

  • Авто Магазин

    Сезона 22 Епизода 34

    повеќе

Видео на денот

  • Aurus 41231SB Кортеж

    Претседателската лимузина на Путин

    повеќе

Цени на горивата

еуросупер 95 71,50
еуросупер 98 73,50
еуродизел Д5 63,00
биодизел Б6 63,50
течен нафтен гас 31,50
метан 33,00

Фото галерии