Најмалиот купе кросовер ја комплетира гамата Sportback верзии на Audi
По неодамнешното деби на третата генерација Q3, од Инголштад побрзаа да го претстават новиот рафинат со суфикс Sportback.
Како што се очекуваше, Q3 Sportback дели повеќе заеднички компоненти со Q3, иако линијата на покривот е редизајнирани, што доведе до заоблено задно стакло. Задните светла со целосна ширина со опционална дигитална OLED графика и спортскиот заден браник со декоративни дифузори за воздух се преземени од обичниот Q3.
Сепак, купе верзијата е за 29 mm пократка во споредба со неговиот поконзервативен близнак. Во интериерот нема изненадувања.
Контролната табла е исто така заедничка со Q3, вклучувајќи го закривениот панел што ги содржи 11,9 инчните дигитални инструменти и 12,8 инчниот инфозабавен систем.
Audi Q3 Sportback се нуди со бензински, дизел, благ хибрид и погон со приклучен хибрид. Основниот 1,5 литарски TFSI четирицилиндричен мотор произведува 150 КС, додека врвниот 2.0 TFSI испорачува до 265 КС.
Моќта се пренесува на предните тркала или на сите четири преку quattro системот на Audi, во зависност од варијантата. Приклучниот хибрид, означен како e-Hybrid, генерира комбинирани 272 КС и има батериски пакет од 25,7 kWh кои му даваат 118 км движење со нулта емисија.
Како погодност на користењето на MQB Evo платформата достапни се верзии со стандардна или спортска суспензија и имаат најнова технологија за помош на возачот. Во Германија, цената на Q3 Sportback започнува од 46.450 евра што е за 1.800 евра повеќе од Q3.
